Ikaw Ang Hindi Ko Inasahan

Ang Hindi Inaasahang Pagtatagpo

Dahil working student si Lia, gabi-gabi siyang nagtatrabaho sa isang maliit ngunit elegante na cafe malapit sa business district. Isang gabing tahimik na siya sanang matatapos, pumasok si Andrew kasama sina Carlo at Pauline.

Nanigas si Lia nang makita siya.

Si Andrew naman ay bahagyang nagulat, pero mabilis ding bumalik sa dati niyang malamig na mukha.

"Ano'ng order mo?" diretso at matigas na tanong ni Lia.

Tumaas nang kaunti ang kilay ni Andrew. "Caramel macchiato."

"Pangalan?"

"Andrew."

"Alam ko."

Napangiti si Carlo sa gilid, habang si Pauline ay tahimik na inobserbahan si Lia mula ulo hanggang paa.

Kita sa mga mata nito ang paghuhusga.

Nang gabing iyon, aksidenteng nabitawan ni Pauline ang wallet niya.

Si Lia ang nakapulot at imbes na itago, agad niya itong ibinalik.

Naroon ang malaking halaga ng pera at mga card, pero ni hindi sumagi sa isip ni Lia na kumuha.

Tahimik siyang tinitigan ni Andrew.

Doon unang nabasag ang maling akala niya.

Hindi pala lahat ng mahirap ay desperado.

At hindi pala lahat ng matapang ay bastos.