Return To Time

??????????

Ang kuwentong ito ay likhang-isip lamang.

Ang ilang mga pangalan ng tao, bagay, at lugar na nabanggit dito ay pawang mga produkto ng imahinasyon ng may-akda. Samantala, ang iba naman ay hinango o may batayan mula sa reyalidad.

Ang pagbanggit sa mga lokal na tatak (local brands) at mga lugar (tulad ng parke) ay ginawa lamang para sa layuning pagpapakilala at pagtaguyod (introduction/promotion).

Nililinaw ng may-akda na hindi siya sponsored ng alinman sa mga nabanggit na tatak, at hindi rin siya isang endorser o ambassador ng kanilang mga produkto o serbisyo. Ang pagbanggit sa mga ito ay alinsunod lamang sa nasabing layunin.

????????

“Hi! Ako nga pala si Andrus Laxamana, isang binata na naninirahan dito sa isang apartment sa Pasig. Ang aking pangunahing trabaho ay baker sa isang cafe, at ang pagiging isang manunulat na aking sideline para may pandagdag kita.” - Andrus

“Hello, ako naman si Ella Corrales, kumakayod dito sa Meycauayan, Bulacan. Sa katunayan, nakatira ako sa Bicol, at nagtratrabaho dito sa Bulacan bilang isang tutor ng isang bata. Isa rin akong manunulat, at may nai-publish nang iilang mga libro.” - Ella

Sabi nila ‘Time is unique and rare gift, which should be valued, used wisely and not wasted. Every hour wasted is an opportunity in our lives that we will never have.’ na nangangahulugan na sa bawat pagkakataong ipinagkaloob sa atin ay huwag nating sasayangin, dahil sa minsan lamang ito at mahirap nang balikan. At kung bigyan man ako ng pagkakataon at kakayahan na bumalik sa nakaraan, ay hindi na ako mag-aaksaya pa ng panahon, upang itama o makabawi man lang sa pagkakamali ng kahapon. - Andrus

Marami akong pagkakamali sa aking nakaraan, at mga pagkakataon na aking nasayang. Kung sakali man na bigyan ako ng maykapal ng isa pang pagkakataon, ay hindi ko na ito sasayangin pa. - Ella

We once met here sa Luce del Sole Cafe na kung saan ako nagwowork, and I didn't know na si Ishikawa Kuroi pala ng RPW ay ang babaeng nakaharap ko sa cafe bilang customer. Siya ang babaeng aking inibig, na kinamuhiyan ko dahil sa isang kasinungalingan. I wanted to ask her for apology, para sa lahat ng mga nasabi kong masasakit sa kanya, nadala lang kasi talaga ako ng galit, selos at insecurities. - Andrus

I met him sa isang cafe na pinuntahan ko, masarap daw kasi ang kape at cake doon. Gusto ko nga sanang humingi ng tawad, pero hindi ko naman alam na siya pala si Aoyama Shiro ng RPW. I wanted to say sorry, dahil nagsinungaling ako sa kanya na kaibigan ko lang iyong lalaking pinagseselosan niya. I just want to protect his heart from being hurt, alam ko kasi na softhearted siyang tao(na may anger issue nga lang) - Ella

Sa hindi inaasahang pagkakataon, we both met each other again sa nakaraan na aming binalikan na siyang gusto naming ayusin o baguhin. At doon lang namin nalaman, na kami pala ang taong nasa likod ng ibang katauhan sa online world(RPW). Ella & Andrus

Nandito kami sa Pasig R.A.V.E. park, nakaupo sa bench at nagpapahinga. Doon kami nag-usap patungkol sa mga bagay-bagay, at sa layunin ng pagbalik namin sa nakaraan
Doon na rin namin ginawa kung ano talaga ang dahilan ng pagpunta namin doon, ang hingin ang kapatawaran ng isa’t isa. Sa kalagitnaan ng aming pag-uusap, ay biglang nagliwanag ang stopwatch ni Ella, na nagpapahiwatig na mauubos na ang baterya nito. - Andrus

Naubos ang baterya ng aking relo, at binigay na lang sa'kin ni Shiro ‘yong kanya. Ayos lang naman daw na ako na lang ang makabalik at maiwan siya, dahilan niya na may naghihintay pa raw sa akin at sa kanya ay wala. Bago ko pa man pindutin ang buton ng relo, nakita ko si Shiro(Andrus) na nagliliwanag na patay-sindi. Nag-aalangan ako, kasi parang may mali na nagaganap sa kanya. Tila ba may masamang nangyari sa sarili niya sa nakaraan, na dahilan para magpakita ito ng senyales na mabubura na siya. - Ella